考驗友情遊戲不嬲都好受歡迎，大家黎緊又有個新選擇啦！即將推出嘅《嘿喲走你！》（Heave Ho!）雖然都係考驗友情系列，不過就唔係要諗計整死隊友果種，而係真正同朋友合作過關，咁過程中有意或無意咁整死隊友就在所難免架啦，大家準備好開波未？

《嘿喲走你！》（Heave Ho!）由獨立遊戲團隊 Le Cartel Studio 開發，最大支援四人遊玩。遊戲內容非常簡單，玩家將操控一隻只有頭+二隻手嘅角色，利用物理擺盪原理去捉住抓住藤蔓或繩索去到目的地，即係好似泰山「哦噢哦噢哦」咁。而喺移動過程中，遊戲並無路徑或時間等限制，只要唔死就得，不過地圖中會有大量陷阱，一個唔小心就會拜拜。

遊戲美術風格頗為簡單，不過都有捏人系統，玩家可以自己 Set 服裝、聲音、面相、顏色等等，方便識別邊個做唔到野 :P。

《嘿喲走你！》（Heave Ho!）將於 8 月 30 日正式上市，對應平台為 Nintendo Switch 及 PC Steam。