【遊戲新聞】ALTUS 系統 x《火紋》角色《幻影異聞録#FE Encore》超強聯乘 RPG 明年再登場

 

9 月 5 日嘅 Nintendo Direct 除左公佈《Xenoblade Definitive Edition》嘅消息,仲有一隻會令到鍾意日系 RPG 遊戲歡呼嘅遊戲,就係《幻影異聞録#FE Encore》即將於 2020 年 1 月 17 日登錄 Switch 平台。

 

 

《幻影異聞録#FE Encore》係 2015 年 Wii U 作品《幻影異聞録#FE》嘅加強版,係任天堂與《Persona》開發工作室 ALTUS 共同開發嘅遊戲,火紋角色利用神器、但係以 ALTUS 獨特嘅系統去進行 RPG,無論本身係《火紋》Fans 抑或 ALTUS 作品愛好者,都絕對會覺得呢個設定難以抗拒。

 

 

作為加強版,為左唔令玩家覺得佢太過冷飯,今次嘅《幻影異聞録#FE Encore》除左有新增事件、新戰鬥成員以外,仲會有全新聲優歌曲以及角色舞台演出。聲優陣有幾豪華?主角群聲優陣容有木村良平、杉田智和、水瀨祈、早見沙織、南條愛乃等人,如果本身對聲優有愛嘅朋友更加不容錯過(我全部都中哂!)

 

 

《幻影異聞録#FE Encore》係一隻日系味道極濃嘅遊戲,目前於 Nintendo e-shop 已經上架並可以事前下載,同埋早前介紹過嘅 Nintendo 9,980 日元 Catalog Ticket 都可以用喺呢隻遊戲上面,各位朋友注意啦。歡迎睇埋以下最新宣傳片段:

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章