【TGS 2019】充滿力量與速度感嘅高技巧動作遊戲《七龍珠 Z 卡卡洛特》明年 1 月16 日發售

 

於 9 月 11 日喺 Bandai Namco Entertainment 總部舉行嘅《Pre-TGS Showcase》,官方首次公開《七龍珠 Z 卡卡洛特》亞洲版嘅發售日期將會係 2020 年 1 月 16 日。製作人原良輔先生喺同我地介紹遊戲同時,佢仲笑言,為左慶祝遊戲今次將會發行埋泰文版嘅關係,今次亞洲版特典將會係:地區限定嘅泰式炒河粉

 

 

至於試玩感想,今次 Bandai 提供咗兩種 Demo,一個係探索模式,一個係與斯路嘅對戰模式。我地兩位編輯分別試玩過兩個 Demo,都不約而同認為遊戲有一定難度,不過《Kakarot》並唔係一隻格鬥遊戲,而係一隻非常重視動作節奏嘅動作 RPG 遊戲;同時,戰鬥嘅打擊感做得極好,拳腳感覺非常實在。

當然不可不提嘅係,遊戲中極多完美還原場景嘅超精細動畫,如果本身係《龍珠》Fans,應該淨係見到一幕幕過場動畫,都已經覺得值回票價。

《七龍珠 Z 卡卡洛特》將於 2020 年 1 月 16 日發售,繁體中文對應,平台為 PS4/XBox One。

以下為編輯部試玩對戰斯路嘅片段,玩家們可以參與下~:

 

 

官方宣傳片:

 

 

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章