壽屋《MEGAMI DEVICE (女神裝置)》又有新女登場，朱羅系列早前出啲改少少換隻色當新產品嘅影衣、蒼衣以及 Hobby Japan 合作嘅櫻鬼之後，終於有啲新野見到啦！以著名繪師 Nidy-2D- 將朱羅 忍者結合九尾狐概念而全新創作嘅朱羅 九尾預計將於 2020 年 3 月發售。

今次繼續由原型師浅井真紀負責，並且用上全新素體設計“マシニーカ”擺落朱羅 九尾當中。加上三款全新嘅面部表情，配埋個妖狐面具，朱羅 九尾集可愛、妖豔、型格於一體之中。

朱羅 九尾香港代理售價港幣 $628，依家訂購仲會有官網限定版部件 (連黃色半透明武器特典)，有玩開女神裝置嘅朋友記得早啲訂啦！

朱羅 九尾官網傳送門

朱羅 九尾香港預訂傳送門