【遊戲新聞】EPIC直接挑騰訊機 CEO:「我哋支持每個人嘅言論自由」

雖然 Epic Games Store 有附送木馬福利,公司各種挑機言論亦都令唔少機迷討厭佢哋,但係佢哋嘅 CEO Tim Sweeney 向來都無懼各種言論,對自己嘅立場非常堅定。最意想唔到嘅佢連手握自己公司 40% 股權嘅騰訊亦都唔怕,直接對「共雪」事件發表評論!

 

 

日前共雪因為香港選手 blitzchung 於賽後訪問中講出「光復香港,時代革命」而作出極嚴厲處分,引發全球大炎上,掀起抵制共雪遊戲運動。而擁有全球最受歡迎大逃殺遊戲《Fortnite》嘅 Epic Games CEO 係 Twiiter 正式加入戰圈,回覆網友時以公司身份出咗下面呢條 Tweet:

「Epic Games 支持每個人都有表達自己政治立場及人權觀點嘅權利。」

 

 

其後有網友對 Tim Sweeney 提問,如果有選手於賽後訪問中講出「Free Hong Kong」嘅言論,佢都唔有任何動作?而 Tim 嘅回覆非常簡潔「Exactly」(無錯)。並且喺其他人嘅回覆入面都有講到「Epic Games 支 持每個人嘅言論自由,就算係中國嘅《Fortnite》玩家同樣可以批評美國或者係 Epic Games,大家都係平等的。」

 

 

Tim 作出咁勇敢嘅發言,當然就有網友即時問佢唔怕激嬲 Epic Games 最大嘅投資者騰訊咩,話晒呢番言論有機會令佢地撤走基金。而 Tim 就話「Epic Games 係一間美國公司,而我就係控股股東(簡單講即係持有股份佔總額 50% 以上股東)。而騰訊則有大約 40% 股權,另外仲有其他投資者、員工等其他股東。」

同時佢再補充,身為創辦人、CEO 及控股股東,只要喺佢嘅管理之下,就唔會有任何人會受到黎自中資方壓力而要承擔責任,唔會跪唔會割蓆,絕對企硬!

 

 

雖然 Epic Games 係眾多事件上的確頗串又乞人憎,但係不惜得罪自己最大股東,敢於站在自由文明世界嘅一方,的確值得我地尊敬!希望今次事件起到帶頭作用,提醒其他廠商面對強權並非只有跪低一途,至於共雪你就食屎啦!

 

不撤不退

不撤不退 不撤不退,我愛香港。

追蹤

更多文章