【遊戲新聞】Rockstar Games 新作開發準備中!已知新作品會有線上聯機競賽要素

 

總部位於蘇格蘭嘅遊戲工作室 Ruffian Games 現正招募開發工程師,從而透露今次請人係為左協助 Rockstar Games 準備佢地黎緊下一隻新 Game!

 

 

香港嘅朋友或者對 Ruffian Games 唔係太熟悉,佢地最知名嘅作品要數 2010 年於 Xbox 360 上面推出嘅《Crackdown 2》,呢隻遊戲可以話係幫工作室於國際正式打響名號;不過,及後佢地就主力同其他廠商合作居多,例如係《Minecraft》系列,亦曾於 2017 年於 Steam 平台上推出 Arcade 風格嘅射擊小遊戲《Fragmental》。

 

《RDR2》Online 截圖

 

雖然今次 Rockstar 嘅新作品係完全新作定係新《GTA》,目前仲未有進一步消息;不過,已經知道新作會有 Online 以及 Match Play 要素。Rockstar 最新作品《Red Dead Redemption 2》雖然風評極佳,但係佢嘅 Online 就相對獲得較多負面意見,包括明明係 Online 但係有漫長主線、建設自由度不足等等評價。

未知道 Rockstar 會否吸收經驗再接再厲?我地就繼續靜候佢往後嘅新動向吧。

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章