【遊戲新聞】《大亂鬥》禁止不知火舞登場!官方原因係太性感會教壞乖寶寶

 

《任天堂明星大亂鬥》雖然已經係 2018 年 12 月 7 日推出嘅遊戲,不過於日本同埋海外至今都仲享有極大人氣,而不斷加盟嘅其他作品角色,亦都係玩家對遊戲嘅注目點之一。

《大亂鬥》早前宣佈同 SNK 合作,決定將《餓狼傳說》以及《KOF》嘅角色加盟到遊戲入面,除左前日公佈嘅 Terry 之外,仲有麻宮雅典娜、草薙京、八神庵、大門五郎等等為人熟悉嘅角色。

之但係,作為《KOF》極具代表性嘅女性角色「不知火舞」,卻不在加盟角色之列!

 

網友改圖

 

《大亂鬥》系列監督櫻井政博於 11 月 6 日於網上公開嘅番組「テリーのつかいかた」裡面就表示,佢認為不知火舞唔適合《大亂鬥》呢個遊戲,因為會為遊戲嘅乖寶寶玩家(Good boys and girls)帶來唔好影響。

 

 

此言一出,網路上雖然唔係炎上,但係反應都頗為激烈,一來「不知火舞」造型係點,大家一早都知;二來,如果係因為衣裝太性感,大可以為不知火舞做一個「入得屋」嘅遊戲特有新造型;三來,如果係講角色太魅惑,咁點解《Bayonetta》B 姐又可以落《大亂鬥》呢?

 

 

《大亂鬥》係一個 CERO A 等級遊戲,意指全年齡向;而「不知火舞」衣裝坦露身體部份太多,所以先會比遊戲「卻下」,唔准加盟。

 

《DOA》截圖

 

消息一出之後,網路上面嘅反應極為有趣,大量改圖湧現,我地一齊睇下:

 

 

 

各位「乖寶寶」玩家,你又點睇官方呢個決定呢?

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章