【遊戲新聞】拳皇入侵女性向世界《KOF for Girls》一齊黎攻陷草薙京的心!!

 

於 1994 年開始推出嘅 SNK 著名格鬥遊戲《King Of Fighters(拳皇)》系列黎到 2019 年有逆轉性新發展!女性向遊戲一向有大量女玩家默默支持,SNK 亦不讓其他廠商專美,於 11 月 8 月正式推出《KOF For Girls》手機遊戲,正式進攻乙女遊戲市場!

 

 

玩家飾演道場嘅新任管理人,負責幫忙培訓多位格鬥家角色;遊戲中有戰鬥小遊戲,不過當然就唔會好似真・格鬥咁需要技巧;始終《KOF For Girls》係針對女性市場而開發的,所以重點當然還是放喺各位閃亮亮嘅男角色上面……

 

 

遊戲基本免費遊玩,同一般日系手機遊戲一樣,角色會有唔同貴重度、亦會有唔同造型,有愛嘅朋友想多多課金嘅話,請你自便(喂)因為遊戲裡面嘅課金額都唔平……。

不過據說遊戲推出一日以後,女性市場反應相當唔錯,畢竟《KOF》人設一向係型嘅!至於男性向市場就反應一致地表示:點解係《KOF For Boys》!!明明可以攻陷和撲倒的女角色有那麼多!!

 

個畫面真係好好笑

 

利申:女性。呢個遊戲我就毫不客氣地收下再服用了。
各位讀者記得大力介紹比你身邊嘅女性朋友們!男性朋友如果想開 Game 都好值得嘉許!

日版 iTunes Store 下載
Android 下載

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章