【遊戲新聞】《FF 7 Remake》劇情及情景編排由《FF 13》監督鳥山求先生擔綱

 

即將於 2020 年 3 月 3 日喺 PS4 上面推出嘅《Final Fantasy 7 Remake》相信係唔少玩家朋友期待之作,無論係作為《FF》Fans 也好、慕名而來想一探《FF》魅力究竟嘅朋友都好,《FF》歷代作品,雖然各代評價不一,不過整體黎講,我都認為係日本 RPG 界別一個最出色嘅年代紀,而佢美麗嘅畫面構成,都可以稱《FF》系列為日本遊戲界嘅出色藝術品之一。

 

 

除左經常露面嘅製作人北瀬佳範先生以及監督野村哲也先生,其實《FF 7 Remake》嘅開發團隊,位位都係大人物。如何將《FF 7》嘅經典故事完美重現比玩家,相信係開發組最難嘅考驗之一,而擔綱「劇本構成」嘅成員,就係鳥山求先生。

 

鳥山先生近照

 

鳥山求先生自 1994 年開始已任職於 Square(後 Square Enix),1997 年《FF 7》時擔任遊戲情節構想員,而遊戲裡面為玩家熟悉嘅「克羅德女裝」劇情,就係出自佢嘅手筆;佢仲同時係《FF 13》三代嘅監督,可以話係雷姐「Lightning」嘅「親生父親」。

 

 

喺《FF 7 Remake》決定由 Square Enix 收返黎由自家全權開發之後,曾經作出團隊招募,鳥山求先生就係嗰時全心投入到《FF 7 Remake》工作裡面。早前佢仲喺 PlayStation.Blog 表示,將會努力豐富「克羅德女裝」一段嘅劇情,希望可以帶比玩家全新嘅震撼!

 

 

距離《FF 7 Remake》推出仲有一段日子,不過事前預購已經開始左;遊戲正式發售日為 2020 年 3 月 3 日,我地一齊倒數吧!

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章