【遊日資訊】日本環球影城「超級任天堂世界」奧運前開幕 有實體正版孖車玩!

日本環球影城定期都會有新野玩,而近年最觸目嘅自然係同任天堂合作,斥資超過 500 億日圓嘅「超級任天堂世界」(Super Nintendo World)新園區。「超級任天堂世界」自 2017 年年中動工至今,一直都廣受期待,但係除咗當初條宣傳片之外就乜都無。不過最近官方更新 Twitter,目標要喺 2020 年東京奧運前開幕!!

 

 

全球首個「超級任天堂世界」(Super Nintendo World)園區有多個遊樂設施、互動體驗區、任天堂商店及餐廳等設施。而整個園區都會以「蘑菇王國」做主題,仲有碧姬公主城堡、庫巴魔王城堡等等,令大家有身處遊戲世界中嘅體驗。

 

園區仲有二個最主要賣點,分別係由宮本茂設計,以最先進影音效果技術將「Mario Kart」真正實體化,令參與者有第一身賽車體驗。(好想知佢點樣還原掉紅龜殼呢樣野)

 

另一樣就係大人氣角色 Yoshi 嘅「Yoshi’s Adventures」,據了解係有得坐 Yoshi 專屬車仔騎,不過仲未有詳細資訊。

 

「超級任天堂世界」園區頗大,網上估計會有埋「Donkey Kong」區

 

「超級任天堂世界」(Super Nintendo World)官方目標於 2020 東京奧運前開幕(即明年 7 月 24 日),準備下年年尾去旅行嘅朋友幾得留意啦!

麻生龍

麻生龍 客席編輯,中二病廢中,打機會自己講野自己笑,鍾意睇機械人動畫。單身寡佬,目前日本在住(流放)中。

追蹤

更多文章