【遊戲新聞】名越總監督親證《人中之龍 7》將會有桐生一馬・真島吾朗等角色登場

 

即將於 2020 年 1 月 16 日推出嘅《人中之龍 7》,佢嘅免費 Demo 試玩版已在日前於 PS Store 上架(繁體中文對應),唔知大家有時間試玩左未?對於遊戲變成 RPG 制式係咪一件好事、濃濃惡搞味嘅支線又係咪一個適合遊戲嘅編排,相信大家心裡面都有唔同想法,而編輯部會選擇留待玩過正式版後再討論。

不過,於 11 月 26 日於網上進行嘅 SEGA 節目「セガなま 2019年11月26日放送回」,名越總監督除左同大家介紹公司黎緊幾隻新作品包括 ALTUS 遊戲《十三機兵防衛圈》以及將於 12 月上架嘅《新櫻花大戰》之外,仲帶黎一個消息,就係《人中之龍 7》將會有桐生一馬、真島吾朗、冴島大河、堂島大吾幾位元老級角色登場!

由 1:26:00 開始睇:

 

 

對於好多《人龍》老玩家黎講,桐生、真島佢地數位經典角色嘅地位無可取代,雖然《人中之龍 7》自公佈之今,好多玩家(編輯部都係)都抱持住觀望態度;但係桐生佢地嘅登場又會唔會令到你多左一分想入手遊戲嘅欲望呢?

不過,名越監督亦補充,數位角色登場嘅方式會同大家想像嘅未必一樣,亦無透露會唔會係可以操作嘅角色,所以真係令人非常好奇!希望唔係淨係出張相或者出條舊動畫就當係「有登場」啦!我知你地唔會咁對 Fans 嘅……!

 

真島 BB 嗚呀!

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章