《遊戲王》係乜應該唔洗介紹，作品中登場嘅卡牌極具特色，不過作品嘅痴線級週邊唔算多，想送禮比 Fans 都唔係咁易（就算要買卡都唔知買邊張好）。黎緊 Bandai 就會出件痴線級週邊，就係名物「強欲之壺」實體陶器，擺件係屋企真係盡顯身份，送禮自用皆宜！
「強欲之壺」係《遊戲王》入面最耳熟能詳嘅卡片之一，無論動畫定係現實中都係有人所皆知嘅卡片。首次登場於決鬥城市編，能力係「直接從卡組裡抽兩張牌」，由於效果強大所以喺早期遊戲王卡組中每個人都會落，現實中已被列為禁卡，但係動畫中依然可用。而卡片嘅造型極其猥瑣，亦都因為夠猥瑣先配得上「欲望」二字。
「強欲之壺」實體陶器選用白雲陶器，生產於陶器嘅名產地「美濃」並由職人手工繪製。由於本產品只用於家中裝飾彰顯身份，所以唔好當佢杯咁用，裝唔到水的。「強欲之壺」呎吋 H 250mm × W 300mm × D 200mm，售價 11550 日元，預計於 2020 年 4 月發貨，現已接受預訂。
中二病廢中，打機會自己講野自己笑，鍾意睇機械人動畫，貓世一。