【製作人專訪】台灣 LEGO 反送中短片製作者:忠實呈現 不然對不起良心

尋日喺港澳台 LEGO 界瘋傳一條由前台灣 LEGO 大使戴樂高製作嘅《願榮光歸香港》短片,用左只係三日就砌出當中十多個場景,記錄住香港人一生銘記嘅畫面。

721、831、理大大逃亡等等,戴樂高都喺自己 Post 度都提及到一路製作嘅時候,都忍唔住多次眼眶泛淚。而我亦有幸搵到戴樂高戴兄做左個專訪,作為一個前台灣 LEGO 大使,點解會決意對香港反送中事件表態?

 

作為一個 LEGO 創作者,「磚」就係我地嘅筆,而戴兄都係咁覺得「對我來說樂高積木創作就是我想說的話,是我的忠實呈現。所以我一定得要做,不然對不起良心。」睇返香港嘅情況大家都見得到,良心的確唔係個個都有,況且要主動表態嘅台灣創作者都可以話少之有少。
戴兄一直都留意住香港事件嘅進展「無論是被自殺的生命或是受到殘害的香港民眾,或是團結一致的精神,每一幕都令我動容。」但對戴兄最大感受嘅,唔係一啲死傷者嘅畫面,而係香港人團結、反抗「因為這正是共產黨政權最懼怕的」。
開初都提過戴兄曾經係台灣 LEGO 大使,今次咁高調表態會唔會怕影響將來一啲官方合作先?始終 LEGO 都經常「提點」要避免同政治議題拉上關係。「我是個體創作,即使對未來有影響,我也不在乎,因為當下不這樣做我睡不著。」戴兄亦祝願香港人提出嘅訴求可以得到正面回應,同時亦希望台灣民眾盡早覺醒,睇清楚所謂「一國兩制」呢個虛假面具
其實言談之間都了解到台灣年輕一班見到香港狀況後,對台灣政治前景都開始擔憂。如香港一樣有住世代價值觀對立情況嘅台灣,香港人嘅團結令一眾台灣年輕人激起保衛台灣嘅心意。
而我地亦只好寄語台灣唔好步香港後塵,捍衛自己家園!

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章