於今年 5 月份推出嘅《A Plague Tale：Innocence》儘管係細廠作品，但係劇本完整度、具挑戰性嘅解謎歷險系統以及精緻畫面，令到遊戲於海內外都受到極高評價，我地編輯部亦認為遊戲係 2019 年最出色作品之一。

來自法國嘅開發工作室 Asobo Studio 於 12 月 3 日接受法國遊戲媒體 XboxSquad 訪問時表示，團隊已經製作緊《A Plague Tale：Innocence》嘅續集，預計 2020 年正式公開遊戲詳情，目標係喺 2022 年推出呢隻新作品。

外媒 Eurogamer 亦就呢個消息向 Focus Home Interactive（遊戲發行商）查詢，不過對方就話一切都未有定案，至於幾時先至會有正式公佈，一切將以 Asobo Studio 為主導。

《A Plague Tale：Innocence》玩乜？簡單黎講，就係 14 世紀黑死病橫行之時，落難千金小姐一夜之間家破人亡，面對霸道權力致命式打壓，為左保護自己同埋細佬 Hugo 所以活用火魔法智退追兵，同時揭開黑暗政權嘅陰謀。

《A Plague Tale : Innocence》，已經於 5 月 14 日於 PS4、Windows 以及 XBox 上市，英及外語全語音，字幕對應簡體中文、英文及其他外語。我自己就玩英文版的，英文版嘅對白以及用字頗為 Poetic，非常建議未玩過嘅朋友一試。

早前編輯部亦為遊戲寫過感想文，有興趣了解嘅朋友可以【參考呢一度】。

米奇黑旋風

編輯部熱切期待可以玩到遊戲嘅續集，有最新消息會再同大家報導。