【遊戲新聞】變身四人合力恐怖遊戲《The Outlast Trials》登場以冷戰年代作背景

 

早前我地報導過《Outlast》系列工作室 Red Barrels 於網上發出新作品預告,黎到今日終於有正式發表!新作名為《The Outlast Trails》,為《Outlast》正統系列作品,不過最令人興奮嘅係,今次遊戲改變玩法變成四人 Co-Op 合力,唔知各位朋友又可唔可以搵齊手足抵得諗同你一齊捱過漫長恐怖歷險?

 

 

《The Outlast Trails》以冷戰時期為故事背景(冷戰時期指第二次世界大戰之後,以美國為首嘅西方資本主義國家,對以蘇聯為首嘅共產主義之間嘅政治角力,時間約為 1947 ~1991 年),不過詳細故事發生時間就未有公佈,工作室只透露,玩家以及伙伴飾演嘅,將會係某種軍事實驗嘅「實驗品」,如果對二戰時期各種測試有所認知嘅朋友,相信會大概明白到今次玩嘅係非常切身嘅恐怖體驗。

配合返《The Outlast Trails》早前公佈嘅 Key Concept「Where freedom ends.」,可以聯想到遊戲裡面,滿滿都是被拘束與監視嘅壓迫感,畢竟失去自由最可怕!

至於好多 Fans 詢問過《Outlast》系列會唔會加入 VR 元素,Red Barrels 方面就話,聽到好多玩家對 VR 方面嘅興趣,但係目前佢地就未有明確打算要開發 VR 方面相關嘅內容。

 

 

Red Barrels 於 2017 年時接受外媒訪問時曾表示,團隊有意慾不斷擴大《Outlast》系列世界觀,今次嘅《The Outlast Trails》正正係佢地實踐擴大《Outlast》世界恐怖版圖嘅新作品,不過佢地亦表明遊戲唔係《Outlast 3》。睇黎 Red Barrels 有決心要將《Outlast》系列繼續發揚光大,各位喜愛恐怖遊戲嘅玩家可以慢慢期待了。

《The Outlast Trails》目前未有遊戲片段公開,對應平台亦未決定;有最新消息我地會再同大家報導。

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章