【玩物花絮】LEGO芒亨艾露貓 麻穴 爆彈 燒肉架 一應俱全

我都幾肯定《Monster Hunter》出現艾露貓之後,係吸引多左好多女性玩家,艾露貓咁 Hit 但係原來冇乜製作人用 LEGO 砌過出嚟?!(反而 nanoblock 就見過,而且直頭出過 MH 嘅產品添)不過依家終於有本地製作人用 LEGO 砌左出嚟,仲擺上 LEGO Ideas 求支持添!

之前同大家介紹過 LEGO 地隱俠 Joe Lam 今次又有新嘗試,砌完大大隻機械人之後,今次轉砌貓!仲要係《Monster Hunter》艾露貓!都不特只,連裝備、武器、道具都整埋!

有裝同裸裝兩個版本都有

爆彈、燒肉架、麻穴,一應俱全

踩礦鐵鎬又點少得

問過 Joe Lam 製作期只係唔洗兩星期,但砌慣左大大隻機械人,今次整相對細隻嘅作品,最大挑戰喺套火龍裝度!依家暫時只可以一體成型,要做到輕易換裝都仲需要時間研究一下。下一步將會砌出其他艾露貓,不過會唔會有其他大家熟識嘅貓裝,咁就要賣個關子啦!

都係老土嗰句,大家鍾意嘅、想佢成為官方產品嘅,記得去下面傳送門比個支持,等 LEGO艾露貓可以成功量產。

LEGO Ideas Airu Cat 艾露貓 傳送門 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章