【玩物快訊】漫長暗夜又再來臨《Bloodborne》狩人 Hunter 即將推出小土人

 

《Bloodborne(血源詛咒)》雖然已經係 2015 年推出市面嘅遊戲,但係呢隻唔屬於《Dark Souls》世界觀嘅 From Software 作品,時至今日,依然係唔少玩家心目中嘅出色佳作,人氣一直高企,所以周邊以及模型依然不斷推出中。

《Bloodborne》同豆魚雷合作推出嘅 Figure 價位唔平,並唔係有愛就能隨便課金,當中一隻「Clocktower Maria」到而家我都仲未捨得入手(炒到好貴…);而家又比多個消費機會各位 Fans 啦,因為 Goodsmile 下一批登場作品,其中一隻就係《Bloodborne》嘅「狩人」Hunter!

 

圖片來源:HobbyLink Japan

 

 

不過 Hunter 嘅小土人而家仲係初步模組,所以預購以及正式圖片就暫時未有公佈。小土人價錢一向入門級,各位 Fans 請密切留意我地日後最新嘅報導啦!

最後貼多張之前重玩《Bloodborne》嘅截圖!

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章