【遊戲新聞】和平手段盡頭就是開戰 《文明帝國 6》驚現超諷刺BUG

大家仲記唔記得幾個月前仲有為數不少嘅人高呼「和平就是我們最大武器」,不過經過數月激戰以及林奠肯定後,大家都明白到抗爭必需流血嘅事實。而知名策略模擬遊戲《文明帝國 6》(Civilization VI)今年 11 月 Nintendo Switch 新資料片就出現一個 BUG,意外地話比大家聽「和平手段盡頭就是開戰」!

 

 

知名策略模擬遊戲《文明帝國 6》(Civilization VI)舊年推出 Nintendo Switch 版之後大受好評,不過啱啱十一月推出嘅新資料片「Rise and Fall」就出現 Bug。上星期外國著名論壇 Reddit 有位玩家 Orzislaw 出 PO,話佢喺單人模式中利用外交手段並且即將勝利時彈 Game,而且唔係偶然發生,而係有為數不少嘅玩家都遇過上述情況,不論係外交手段又或者係科技、宗教等和平手段,都係就贏果陣就會中 Bug。

 

為咗了解發生咩問題,於是有位玩家 Throwaway489er 聯絡 2K 客服,並且得到一個非官方解 Bug 大法。呢個方法就係當玩家用和平手段並即將獲勝時,先行「宣戰」再結束回合就得。而宣戰嘅對像就係上次搞到你 Hang 機彈 Game 果個文明,簡直係同玩家講「冤有頭債有主,邊個搞就同邊個報復」,好政治正確!

 

 

呢個 Bug 最有趣嘅地方,就係話比大家聽「當和平無法解決問題時,便戰吧」,真係好令人懷疑 2K 係咪想同香港人傳達呢個訊息。如果有興趣試呢個 Bug 嘅就快手買隻 Game 玩啦,因為估計好快就會修復。

《文明帝國 6》(Civilization VI)已經推出,對應平台 PS4 / Xbox One / Nintendo Switch / PC / iPad。

 

不撤不退

不撤不退 不撤不退,我愛香港。

追蹤

更多文章