【遊戲新聞】GTA發生喺中古世紀變 GTHorse?《Rustler》冇現代武器咪玩投石機

《GTA》我地知係乜 Game啦,如果將《GTA》經典俯瞰版嘅遊戲模式同故事等等元素,轉一轉個時空去返中古世紀王權騎士嘅年代,係咪又有啲吸引力先?!

波蘭公司 Jutsu Games 開發嘅呢隻《Rustler (Grand Theft Horse)》,連名都話埋比你知成個製作概念嚟自 《GTA (Grand Theft Auto)》 。中世紀做古惑仔蝦蝦霸霸、姦淫擄掠、殺人放火乜都得,不過就冇現代武器玩家只可以用刀劍箭弩之類嘅冷兵器,最多比埋個投石機你玩。冇汽車飛機,想快就騎馬或者坐馬車。

最估唔到嘅一點係你喺《GTA》揸車會有「電台」聽架嘛,《Rustler》入面連呢點都諗埋,只要玩家嚟街度搵個「樂手」,佢就會跟你周圍去,變成你嘅私人「電台」!



講左咁耐大家都想知呢隻《Rustler》幾時有得玩呢?製作團隊暫時只係喺 Steam 上面講「when the time comes (等時機成熟)」就會發售架啦!

如果大家有興趣嘅,將佢放定落 Wishlist 度,希望大家有生之年等得到!(笑)

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章