【遊戲新聞】墮機後誤闖古怪森林《Sons of the Forest》求生恐怖遊戲第二集登場

 

由加拿大遊戲工作室 Endnight Games 開發嘅恐怖求生遊戲《The Forest》於 2018 年正式推出之後獲得好評,佢地於《The Game Awards 2019》上面宣佈將為遊戲開發續集,名為《Sons of the Forest》。

 

 

《Sons of the Forest》為一隻第一視點恐怖遊戲,與上集一樣,以加拿大某森林為舞台。不過,遊戲目前一切尚在初步階段,不過首條公開影片就為玩家留低唔少伏線。

 

 

例如係主角手臂上面寫住「Fight Demons(對抗惡魔)」嘅紋身、墮機後於森林中見到擁有三隻手、三隻腳嘅女性妖異生物、大量疑似人類嘅邪惡物種等等,都可以令玩家聯想到遊戲裡面滿滿都係邪惡意識,絕對唔係普通求生遊戲咁簡單。

 

 

2018 年首作《The Forest》推出後已獲得唔錯評價,雖然當時嘅 PC 版偶有 Drop Frame 問題影響遊玩感覺,不過劇本描寫方面依然為唔少恐怖遊戲愛好者認同。未知今次嘅《Sons of the Forest》會否再下一城,為工作室打響名號?有新消息我地再為大家報導!

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章