【遊戲新聞】《GTA V Online》更新驚見示威者裝備 中港網絡大戰戰況激烈

《GTA V Online》其實真係好勁,出咗六年仲不停有更新兼夾勁多人玩。最近一次嘅更新「鑽石賭場搶劫」就被玩家發現內含多種「香港特產示威者裝備」,當中包括今次運動中最醒神嘅黃色安全帽,連豬面具等等。加上之前已經有嘅燃燒彈,一時之間《GTA V Online》湧現大量手足,而愛國小粉紅當然忍唔住度氣,現時網上戰情頗為激烈!

 

 

《GTA V Online》更新「鑽石賭場搶劫」後,想入手「光復香港套裝」的話,可以去沙灘面具店購買「鑽石賭場搶劫」系列下嘅「黃色護目鏡防毒面罩」,而黃色安全帽就隨便去一間衣服店購買帽子裝備就會見到黃色工地安全帽,至於衫褲就隨便自由組合啦。呢度順便提供埋火魔法補充方法,補滿子彈後再用手機打電話比「梅利威瑟」選擇「彈藥空投」(12 級解鎖,每次$1,000),執起空投彈藥後就會發現身上已經補滿火魔法。

 

「光復香港套裝」

指定動作

著到咁都招呼我,呢間一定係黃店

一班手足出門特別有安全感(網上其他玩家圖片)

 

更新後因為有「光復香港套裝」,加上連登巴打落力宣傳,一時間網上出現大量手足,而且仲開埋幫會「Stand With Hong Kong」,大家都好努力咁練習放火魔同抵抗 POPO。又由於之前有個小插曲,有一班著「光復香港套裝」嘅手足比「一個大陸玩家」用軌道炮殺晒,再用言語挑釁香港玩家,但事後竟然有大部份香港玩家開被動模式食花生,而唔係拎武器還手。最後呢件事係微博揚開咗令到越黎越多大陸玩家覺得香港人好恰,專殺著「光復香港套裝」嘅手足,現時網絡上的確係戰情激烈,想幫拖嘅就快手裝 Game 啦!

 

裝修黨鐵!(網上其他玩家圖片)

講到開外掛又點及得上大陸玩家丫

 

雖然只係遊戲,但上面嘅事件見到只要面對不公,而你選擇龜縮的話只會令對方越黎越過份。喺遊戲中都唔敢反抗的話,又點對得住其他手足,又點 Stand With Hong Kong?口號並非只係齋講,當中包含住信念,現實中大家可能未有勇氣去上前反抗,不如喺遊戲入面練習下對抗暴政先啦。

《GTA V Online》「鑽石賭場搶劫」更新已實裝,對應平台 PS4 / Xbox One / PC。

 

《GTA V Online》相關資訊連登傳送門

 

不撤不退

不撤不退,我愛香港。

追蹤

更多文章