古希臘或者古羅馬做主題嘅遊戲，點都有一班 Fans 擁帶。《The Forgotten City》呢個遊戲本來係嚟自《The Elder Scrolls V: Skyrim》嘅一個 Mod，原先只係一個大約 6-8 個鐘嘅多結局解謎 Game， 2015 年公開之後得到大量玩家同業界好評同獎項。而《The Forgotten City》嘅獨立作品亦都由原班人馬 Modern Storyteller 製作，將會喺 2020 年冬季於 Steam 同 Xbox One 登場。

嚟到失落二千幾年嘅古羅馬神秘地下城，玩家以時間旅行去不斷重覆探索一宗同希臘神話邁達斯點石成金相關嘅集體神秘死亡事件，收集線索、查問相關嘅人物去解開呢個千年謎團。最終要跟隨歷史、探查真相定係改變一切，所有都由玩家自行選擇。