【影視新聞】唔駛靠個孫燒比自己《新 Evangelion 劇場版 :||》鐵定 2020 年 6 月上映

 

《新 Evangelion 劇場版 :||》終於有正式放映日期!由 1995 年初代 TV 版動畫放映、去到歷代劇場版上映,已經渡過左唔少年頭,而最後一套被形容為「Final」嘅結局篇,亦終於宣佈,將於 2020 年 6 月 27 日上映。

 

 

《Evangelion》嘅新劇場版共有四集,首集《序》為 2007 年、《破》為 2009 年、《Q》為 2012 年,相隔八年之後,終於迎來今集又名為《終》嘅最終章。

《終》原定係 2015 年會上映,不過庵野秀明後來去左拍《新·哥斯拉》(2016 年上映)……。

 

相信大家同我一樣,作為《Eva》嘅 Fans,都一度好擔心呢度作品會埋唔到尾,亦對佢嘅結局非常好奇,畢竟上一集《Q》嘅結尾派嘅便當(我無劇透架下!),一定令到唔少 Fans 內心充滿了空虛與痛苦。

 

 

到底結局會係點,會唔會爛尾,呢度《終》我就一定會睇,不過以上放映日期為日本當地日子,香港嘅院線就暫時未有上映公佈,如果有呢方面消息我地會再同大家報導。

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章