【玩物評測】LEGO 2020農曆年主題產品-舞獅 開箱簡評

今年 LEGO 2020農曆年主題新產品如上年一樣都係總共出兩 Set,但今年最大進步就係喺宣傳嘅時候已經話比大家聽兩 Set 放埋一齊玩嘅效果係特別好。既然係咁我地呢篇先睇 80104 舞獅 Lion Dance 開箱,之後下篇再睇 80105 農曆新年廟會 Chinese New Year Temple Fair 放埋一齊係咪真係咁正!

80104 舞獅 Lion Dance – 882 件 –官方建議售價港幣 $599

問心,印住春节中国节日特别版的確有少少意欲大減,但係!開埋入面睇到尾大家可能有另一番見解!

近九百件組件只係分 6 大包件,而且當中一張貼紙都冇!係一張貼紙都冇!

新綠松色拆件器

先睇 Minifigures,8 隻 Minifigures 全部衣著都充滿住農曆新年氣氛

當中老鼠頭同醒獅隊員都有雙表情

老鼠頭套係今次 80104 其中一個賣點

點解老鼠頭套?下年鼠年啊嘛!(之後會唔會出齊十二生肖呢?)

唔好淨係留意個頭套,件衫印住嘅圖案其實係漢族傳統蝙蝠紋,習俗用「」、「」字諧音寓意幸福

如果上年有買 80102 Dragon Dance 舞龍賀歲,呢個波應該唔會陌生

鑼鼓手部份最吸引就係成套樂器,鈸(或者叫鑔)、鼓、鑼三款傳統舞獅樂器

鼓手位置有個小裝置比大家玩嘅時候扮打鼓添

到醒獅隊員,拎住嗰個唔係頭嚟架,其實係採青生菜嚟架

左邊係髮菜,右邊係生菜(笑)

呢個係髮菜包生菜XD

不過最正都係佢失手個驚青樣!

醒獅女隊員,白衫金色獅子印,比紅衫更突出

另一位醒獅女隊員就白衫金褲

獅隊睇完就睇埋五隻獅,外觀以華南地區嘅南獅做原設。不過同傳統醒獅有啲唔同,只係分紅、黃、白三色

三款獅頭同獅身用件設計上都有少少分別

獅頭用件上仲幾「別出心裁」,白蛙做耳、白蕉成眉、飯碗為眼,有趣有趣

獅口預留位置去同掛上祝賀聯

外觀上係讚,但獅頭唔可以左右擺,而要做企高嘅上肩動作仲要靠條尾做支撐

雖然為左就返比例,醒獅入面只有兩對腳,想知佢地原設定嘅衣著就要睇返醒獅隊員嘅 Minifigure 啦

個梅花樁係簡單而且有心思

樁台仲可以打開有空間收納部份配件

淨係五獅加埋套樁已經好有農曆新年氣氛

背景嘅小牌坊喺設計、用件、配色等等都完美地用 LEGO 件賦予傳統中國色彩

其中有印刷件特別印上五爪龍印

綠松色件配上紅柱橙頂,好容易聯想到古代皇宮嘅輝煌感覺

完成晒就擺埋一齊

點埋睛就起鑼啦!

大吉大利

80104 舞獅 Lion Dance 單獨就咁睇都已經有種農曆年嘅喜慶氣氛,以香港嘅定價去睇唔算好貴之餘,如果玩過上年 80101 團年飯 80102 舞龍賀歲的話,就更加會覺得今年嘅設計上進步非常多。雖然醒獅喺活動性方面仲有改進空間,不過配上個梅花樁去玩,動態感十足。雖然包裝上寫嘅嘅簡體,但所有印刷件全以而且繁體字表示,重要用南獅採青(原意係「反清復明」)去代表傳統農曆新年,唔知強國人打開會唔會又玻璃心呢?

點都好,聽日再同大家睇埋 80105 農曆新年廟會 Chinese New Year Temple Fair 嘅開箱,以及兩 Set 放埋一齊效果又有幾好!

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章