《漆彈大作戰 2》（Splatoon 2）雖然推出咗一段時間，但係依然仲有好多人玩緊，而且官方仲 Keep 住有 Update（雖然而家得返平衡性修改）。而日前官方 Twitter 就出咗個新年賀圖 Tweet，驟眼睇就無乜野，但細心啲睇就會發現圖中隱藏住一個訊息，極有可能係暗示遊戲最新嘅動向！

みなさん、いかがお過ごしだろうか？
のんびりお休みされている方も、お忙しい方もいらっしゃるだろう。
クマサン商会も元日早々バイトを募集しているようだ。
新年初シバキにおいでいただければ幸いだ。
本年もよろしくお願い申し上げます。 pic.twitter.com/nfsXWNIW0s

— Splatoon（スプラトゥーン） (@SplatoonJP) January 1, 2020

官方 Twitter 發出嘅新年賀圖 Tweet，表面上係寫住「Have a Great 2020」，但細心睇就會見到下方水中嘅倒影寫住「SOS」字樣（最尾個0有個水泡擋住）。但當你再細心啲睇水中嘅波浪，就會隱約見到「Save Our Salmons」字眼。雖然早前遊戲製作人野上恒（Hisashi Nogami）接受 Fami 通訪問時講過暫時仲未有開發三代嘅計劃，不過外國唔少網友都覺得賀圖似乎係暗示新作嘅來臨，畢竟遊戲已經推出二年。

而我個人嘅睇法亦都偏向係預告緊下集或者係《漆彈大作戰 2 Deluxe》之類加強版，因為現時遊戲話就話仲有更新，但其實之後嘅更新都只係加新武器同地圖平衡性呢類野，但主要遊戲內容或者大型祭典最後一次更新已經完結，意味住唔會再投放大資源係呢隻遊戲上面，推出下集或者加強版係非常正路嘅做法，大家一齊拭目以待啦！