【遊戲新聞】終於唔洗聽住隔離機音樂 新捽碟機自設耳機插孔

喺香港玩音樂遊戲經常面對一個問題,就係經常都要聽住隔離部機嘅音樂玩音 Game,而呢個問題多年黎都無改善。屬於音 Game 始祖捽碟機,經過廿年終於正式解決呢個問題,新世代「IIDX」框體「Beatmania IIDX LIGHTNING MODEL」正式登場!

 

 

有去過日本機舖玩音 Game 嘅朋友,應該都知道大部份機舖音 Game 都會有個裝置,供玩家插自己嘅耳機,避免要聽住其他音樂打機嘅問題,但香港及海外地區則甚少有安裝呢個裝置。而「Beatmania IIDX LIGHTNING MODEL」新框體本身就已經有呢個耳機插孔,即係終於都最高嘅打機享受!

 

 

聽歌之外,畫面質素亦都係非常重要一環。新機嘅顯示屏更新頻率高達 120Hz,玩 High Speed 高 BPM 歌曲更流暢,鬼影 Bye Bye,譜面更有舊機嘅二倍精度,真係睇 Notes 都爽啲!

 

 

另一個捽碟機常見嘅問題就係捽碟盤鬆緊度不一,而且咁多年黎都無變過,玩家都只能硬食。新機就有個功能,比玩家自己調較碟盤重力,非常貼心。而按鍵亦都有強化,配合玩家需要作重新設計,不過呢樣就要試上手先知啦。

 

 

「Beatmania IIDX LIGHTNING MODEL」新框體已於 1 月 9 日推出,而我地亦都收到消息荃灣區某機舖已經入咗,以後想「嘆」音 Game 唔洗下下去日本啦。(如果有埋《CHUNITHM CRYSTAL》玩就好啦)

 

五木

五木 動漫電玩宅,極愛金田一系列,擅長動作及策略遊戲

追蹤

更多文章