今次介紹呢隻《Pandemic》雖然已經係 2018 年推出嘅舊遊戲，不過，相信讀者而家對於「對抗疫症」嘅題材，都會格外有共鳴吧……。

《Pandemic》係一隻由 Boardgame 改篇嘅遊戲，遊戲目前登錄平台為 Steam、PS4（美版）、XBox One、Switch 以及手機（iOS 及 Android），由法國工作室 Asmodee Digital 製作並發行。

玩家飾演一流醫療團隊嘅一員，面對對抗地球上面出現嘅四種疫症，玩家必須四出尋找源頭、加以抑制、同時要搵出特效藥去拯救人類，否則人類將會因為疫症而滅絕。

玩家可以飾演嘅角色包括「科學家」「研究員」「檢疫官」幾種，從而活用你嘅專業技能，去搵出有效對抗疫症嘅方法，不過就算唔係專家，應該都會明白封關或者禁止源頭病人出境會係首要嘅方案，然後就係設立醫療設施、製藥等等。要對抗疫症當然就要上下一心，不過呢個道理唔係個個人都明白，香港人慘慘。

遊戲最多支援五人同時遊玩，亦可以單人同時擔任幾個角色獨玩，目前 Steam 平台上售價為 HKD 52，有興趣嘅玩家可以留意下。