【LEGO快訊】照亮你嘅 LEGO City 官方燈飾產品現身

自從 LEGO收購全球最大網上LEGO交易平台 BrickLink 之後,世界各地玩家對近年 LEGO 集團舉動負皮多到食唔晒。而啱啱喺丹麥哥本哈根舉行嘅 “The LEGO World Copenhagen” 活動,有網民影到 LEGO 擺左以下幾合野出嚟,淨係玩開官方產品嘅朋友大為驚訝。

相片由當地網友 Peggy Chang 提供

跟據現場人士透露,展出嘅燈飾組件唔只以上呢幾款,淨係講 21318 Tree House 嘅燈飾組件標價要成 649DKK(約港幣 $754)。而呢系列 Night Mode 嘅燈飾組件係有線供電,不過最終產品供電方式係以電池USB 供電,喺現場仲集思廣益緊,最終產品係點就要等到有實物先知道啦!

相片由當地網友 Peggy Chang 提供

相片由當地網友 Peggy Chang 提供,見得到其實係用緊”LIGHT MY BRICKS”嘅燈飾組件

相片由當地網友 Peggy Chang 提供

相片由當地網友 Peggy Chang 提供

相片由當地網友 Peggy Chang 提供

香港本地 LEGO 燈飾產品 10260 Downtown Diner

同時我都搵到製作 LEGO 產品燈飾嘅業內人士,問到佢地得知 LEGO 集團呢個”新產品”嘅睇法。佢地認為 LEGO 燈飾嘅市場其實唔係咁龐大,官方特登開個新系列去大量生產,回唔回到本都成問題。

「只要出面一日有官方散件賣,同一款燈飾我地賣佢地三份一價錢,我就唔覺得對我地好大影響啦」今次呢個”試水溫”似乎對第三方燈飾製作以及銷售都無暫時冇大影響。不過產品潔癖嘅朋友,嚟緊終於可以用官方產品照亮你嘅 LEGO City。

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章