【遊戲新聞】妖怪手錶全新系列作今夏推出《妖怪學園 Y》超大校園版圖妖怪對戰遊戲

 

遊戲工作室 Level 5 於 2020 年 3 月 14 日宣佈,將會於 2020 年夏季推出《妖怪手錶》系列全新遊戲《妖怪學園 Y(妖怪学園Y ~ワイワイ学園生活~)》,對應平台為 PS4 及 Switch。

 

 

《妖怪學園 Y》係《妖怪手錶》系列嘅外傳,與《手錶》共享部份世界觀,不過遊戲舞台改為「妖怪學園」,係一隻 RPG 遊戲。玩家可以於校園裡面同其他同學交流,一方面要與各式怨靈交戰。日本方面正在熱播動畫《妖怪学園Y ~Nとの遭遇~》,如果你都係呢套動畫嘅愛好者,呢隻遊戲絕對係你不容錯過嘅選擇。

 

 

遊戲今次絕大賣點係碩大校園版圖,裡面分成購物區、飯堂、沙漠以及海洋區域,亦有基本學校設施;此外,學校仲設有各種「特殊俱樂部活動」,仲有神秘而強大嘅學生理事會,相信各式校園內嘅互動將會十分有趣。

 

 

至於戰鬥方面,Level 5 於製作同類型即時動作遊戲方面,一向有信心保證(例如《Snack World》),所以就算對《妖怪手錶》系列唔熟悉嘅朋友,或者都會因為可以玩到呢種戰鬥而入坑。

 

 

以下為官方第一條公開片段:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章