即將喺 4 月 3 號正式發售嘅《Biohazard RE:3》，預計最快喺嚟緊星期四 (3 月 19 日) 子夜 12 點喺 Xbox One 度試得到，而 Ps4 配信時間係星期四 (3 月 19 日) 中午 12 點， PC 玩家就要等到星期五 (3 月 20 日)凌晨 1 點先有得玩。

而今次 Demo 除左會有機會挑戰追跡者 Nemesis 之外，今次仲有個「收集任務」喺當中。喺 Demo 入面今次收埋左 20 個搖頭公仔(上圖)，雖然未知收集之後有咩獎勵，不過點都叫多啲野玩。

而同樣收錄喺《Biohazard RE:3》一同發售嘅 《 Resident Evil Resistance》呢隻非對稱性對戰生存恐怖遊戲，就會喺 3 月 27 日喺 PS4、Xbox One 同 PC 進行公開測試。