【遊戲新聞】仿宮崎駿加薩爾達 《Baldo》今年黑馬 NS 限時獨佔

喺動畫界宮崎駿嘅作品影響深遠,喺遊戲界《薩爾達傳說》系列歷久不衰(最新一代仲有人話佢換咗主角添),如果二者加埋會到底會產生乜野化學作用呢。由意大利老牌工作室 Naps Team 開發嘅《Baldo》,就集合二家之長,以仿宮崎駿風格配以《薩爾達傳說》嘅玩法,值得期待。

 

 

《Baldo》使用 Unity 引擎開發,屬於開放式世界動作冒險遊戲。作品整體美術有滿滿嘅宮崎駿作品影子,特別係倉庫中嘅機械人同《天空之城》鐵巨人極為相似。而其他周邊角色亦頗有《二之國》味道,不過二位主角面相睇落就啲種奇怪。

 

極有《天空之城》鐵巨人影子

主角面相奇怪

不過其他人又好「宮崎駿」

 

故事就講述一位擁有純潔心靈孩子誕生,與此同時被神聖貓頭鷹封印於地底嘅「無心」怪物再次崛起,遠古時代嘅預言慢慢成真,於是玩家就踏上充滿神秘色彩嘅神奇旅程。而喺示範影片入面,展示部份戰鬥及解謎過程,包含各種法術、隱匿技巧,而且謎題數量極多,睇落亦唔算好弱智,相信遊玩過程都有趣。

 

戴上面具後獲得「隱身能力」

對 Boss 有隱匿技巧

 

《Baldo》預計於今年夏季推出,會由 Nintendo Switch 限時獨佔,之後會追加 PS4 / Xbox One / PC 版本。

五木

五木 動漫電玩宅,極愛金田一系列,擅長動作及策略遊戲

追蹤

更多文章