【遊戲新聞】無得去日本打機解鄉愁《Cities: Skylines》新 DLC 係日本都市版圖

 

鍾意玩模擬經營類遊戲嘅玩家一定有聽過《Cities: Skylines》嘅大名,遊戲雖然已係早於 2015 年推出,不過隨住近年遊戲登錄平台由 PC 擴展至其他家用機,所以玩家數量一直有增無減。

近日武漢肺炎於全球爆發,各國陸續封關,當中亦包括我地最愛嘅第二家鄉日本;大家未有旅行去,可以考慮打機解鄉愁!

 

 

事關《Cities: Skylines》即將於 2020 年 3 月 26 日推出全新付費 DLC「Modern Japan」,內含日式車站、大樓、拉麵屋等等富有日式風格嘅模組,有興趣嘅玩家絕對萬勿錯過。

 

 

呢個名為「Modern Japan」嘅 Content Creator Pack,其實原身係日本朋友「神乃木リュウイチ」創作嘅 MOD,後來被 Paradox Interactive 發現,深感興趣,於是決定雙方合作,促成今次嘅和風 DLC 登場。

 

 

DLC 將會於 3 月 26 日登場,以下為官方宣傳 Trailer:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章