武漢肺炎（正式名稱：中國肺炎）肆虐，雖然政府就吹話情況受控，不過作為香港人唔信政府是常識吧，大家放假無乜野都留喺屋企避難。咁被困於家中又有乜野好得過打機，有見及此唔少廠商都推出送  Game 活動，務求大家安於家中避難，而今次加入嘅廠商就係 Square Enix。

今次 SE 推出嘅抗疫免費餐都叫有良心，分別有係重生版嘅《Tomb Raider》（盜墓者羅拉）以及《Lara Croft and the Temple of Osiris》（羅拉：歐西里斯的神殿）二款。前者係系列 Reboot 作品第一部，於 2013 年首次發售，並且係整個系列中銷售成績最佳嘅遊戲。至於後者則與傳統羅拉有所分別，採用俯瞰視點嘅捲軸射擊類型動作冒險遊戲，最大支援四人連機遊玩，並且係第二部標題並無「Tomb Raider」嘅羅拉遊戲。

《Tomb Raider》（盜墓者羅拉）

《Lara Croft and the Temple of Osiris》（羅拉：歐西里斯的神殿）

現時到 3 月 24 日只要登入 Steam 即可領取呢二款遊戲，而且可供玩家永久保存，真係唔玩都上去收藏咗先啦。