【遊戲新聞】沒了《還願》還有《夕生》?台灣四十年代主題懸疑解謎遊戲登場

 

台灣獨立遊戲工作室「MatchB」於 2020 年 3 月 23 日宣佈,旗下首隻作品《夕生(Halflight)》將於未來兩星期於 Steam 上架。遊戲原定 3 月 26 日登場,不過由於 Steam 平台上有審批問題,所以將會稍為延期。

「MatchB」由台灣四位國立雲南科技大學嘅學生組成,他們於 2017 初次公佈《夕生》這個遊戲,以四十年代嘅台灣作為舞台,遊戲內容融合不少台灣當時嘅迷信宗教以及政治元素;所以在早前因為中共打壓導致《還願》下架之後,台灣唔少網友都笑稱《夕生》千祈唔好又有啲咩維尼熊或者 64 字眼,如果唔係又會有一隻遊戲被失蹤。

 

 

近年台灣本土遊戲興起,今次嘅《夕生》雖然題材上似乎有點似曾相識,不過,佢唔算係一隻恐怖遊戲,而係偏向一隻懸疑解謎遊戲。

故事主角「夕生」為左找尋失蹤弟弟「暮生」,不聽勸告,離開家裡,同時必須有「出了家門也許再也回不來」的覺悟。工作室表示,希望玩家在享受遊戲之餘,都能夠反思自己成長之時,因為逃避現實或是自圓其說,而錯失了多少東西。

 

 

雖然是初次開發遊戲,《夕生》已經用上 3D 模組開發,雖然人物構成上尚有不少生硬的部份,不過絕對是台灣國產遊戲的好嘗試。同時,為了配位四十年代台灣的發展狀況,遊戲裡面找來了配音員以全台語錄製對白,對於我地一班香港玩家黎講相信非常新鮮!(不過台灣網友就話《夕生》裡面講嘅台語其實唔標準,語音又唔可以熄,所以係遊戲扣分點,唔知道製品版會係點樣呢?)

 

 

《夕生》將來未來兩星期不日上市,有興趣入手遊戲嘅朋友可以先放進 Steam 的願望清單;遊戲字幕對應中、英、日文三語,同時據說遊戲版權已經有影視商表示有興趣,有機會於 2022 年推上大螢幕,睇黎係隻相當值得關注嘅遊戲。

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章