【遊戲新聞】殺神轉彎直入家用機平台《John Wick Hex》今年五月 PS4 率先登場

 

想見奇洛李維斯唔一定要乾等《Cyberpunk 2077》,另一隻由佢擔綱嘅作品《John Wick(殺神)》其實於 2019 年 5 月份時亦推出左概念動作遊戲《John Wick Hex》, 好可惜當時為 Epic Store 獨佔令到唔少玩家卻步。

不過,官方剛剛宣佈呢隻遊戲,將會於 2020 年 5 月登錄 PS4 平台;同時外國評級 ESRB 亦已經為《John Wick Hex》分類為 PS4、Switch 以及 Xbox One 遊戲,所有相信遊戲於其他機種嘅上架日期亦都好快會知曉。

 

 

《John Wick Hex》由電影公司 LionsGate 旗下嘅遊戲部門聯同獨立遊戲製人 Mike Bithell 合力製作,為一隻策略遊戲,重點係要玩家去體驗 John Wick 身為殺人嘅心情,以及面對危機之時嘅臨場緊張感。

 

 

遊戲非常努力塑造電影版裡面嘅氛圍,玩家進行每個步驟時,都要迅速判斷下一步動作與攻擊模式。隨住劇情推進,玩家仲可以解鎖唔同種類嘅武器,每種武器將會影響玩家嘅戰術!

 

 

同電影裡面一樣嘅係,玩家身上嘅彈藥係有限的,一輪槍林彈雨後,記得入返子彈先可以能繼續戰鬥。

以下為 PS4 版本宣傳片:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章