【遊戲新聞】武肺再次累全世界 《The Last of Us Part II》再度延期直至另行通知

今年推出嘅重點大作《The Last of Us Part II》(最後生還者二部曲),發售日由原本嘅二月推到去五月,不過今日官方宣佈一個壞消息,遊戲將會再次延期,而且未有明確推出時間。要等到解決物流問題後,先可以決定幾時正式上市,武漢肺炎再次累晒全世界!

 

 

開發團隊 NaughtyDog 喺 Twitter 上出咗一份公告,入面講到其實遊戲已經接近完成,只係淨返啲 Debug 嘅工作就搞掂。不過而家個問題並唔係出自遊戲本身,而係因為武漢肺炎令到全世界嘅物流系統極不穩定。事實上受影響嘅遊戲又真係唔係得佢一隻,例如今日正式推出嘅《Biohazard Re:3》,因為物流關係提早出貨,令到法國早成十日有得玩。而 4 月 10 日先發售嘅《Final Fantasy VII 重製版》,亦都因為同樣理由而提早出貨,現時歐洲及澳洲等地區已經有得玩(然後呢啲地區又有水貨流出)。

 

不過今次《The Last of Us Part II》就應該唔會有偷跑,因為官方已經講到明要等物流搞掂先出貨。即係只要武肺一日仲肆虐全球,物流呢樣野應該都幾難搞掂,事實再次證明鄰近播毒大國嘅強大!

 

五木

動漫電玩宅,極愛金田一系列,擅長動作及策略遊戲

追蹤

更多文章