去年英國遊戲製造公司 Games Workshop 公佈同知名模型公司 Bandai 合作，推出首款 Warhammer 40,000 Space Marine Primaris Intercessor 7 吋 Action Figure。收到嘅時候嚇左一跳，明明隻 Figure 只係 18cm 真骨雕 Size 點解個盒咁大？

同其他品牌高度對比：Hasbro Black Series、Bandai 真骨雕、Mafex、Neca

開盒見到真係得基本野，主體加埋一刀一槍一背包，一對手拳加多對攞槍手，總共三對手型，完！

整體上冇乜瑕疵，上色貼邊，關節位亦都有做陰影。唯一額頭金色位置有瑕疵 SAD……雕刻細節乾淨利落，對於原著非常準確，還原度非常高。唯一可惜雙眼位置唔係用透明紅色塑膠，就咁用紅色上色，令到成件事膠晒。

整體上關節部份隱藏得好好，大脾嘅裝甲位置亦都有少少驚喜。但係膊頭位置就同舊式 Figurerise 一樣，從後面睇會見到同身體斷節，非常核突。頸部同手部關節都有過緊情況，有Click Click 聲，完全唔敢扭得太大力。雙腳支撐點做得唔太好，有少少上重下輕，擺某啲 Pose 好難平衡。

總結

WarHammer 40K Action Figure 上色同雕功都唔錯，容易擺 pose 。如果雙腳有 DieCast Metal 就好啦。
缺點係可惜太貴，QC 又參差。佢嘅質素同你買一隻 SHF Marvel Hulk 或者 Thanos 差唔多，但價錢就收雙倍。冇訂到或者覺得過千太貴嘅話，可以考慮等美國 McFarlene Toys 佢哋公佈咗嘅 Space Marine。McFarlene Toys 會出一隻上色同全灰色版本，而且今年會出貨。買邊隻就玩家們自行考慮，下面仲有開箱影片，再有新開箱再同大家見面。