世界各地喺武漢肺炎期間，都有唔同嘅指引叫民眾減少外出，同埋唔好多人聚會，日本網友 Marudice 就用呢個題材整左個小遊戲《密集 Beat（密ですビート・ストリート）》。

《密集 Beat》係一個節奏型射擊遊戲，隨住畫面直向捲軸式推進，玩家要將沿路痴埋一齊嘅人分散。玩家連續跟節奏驅散到嘅人數越多，分數就越高。玩法亦都好簡單，基本上只係用鍵盤上面嘅「←」「→」配合「X」「C」及「Spacebar」就能夠進行遊戲，好有細過網上玩 Flash Game 嘅感覺！

（1）兩人組＝按←或→就可以分散

（2）三人組＝依方向按完「←」或「→」後再按 Z

（3）食飯組＝依方向按完「←」或「→」後再按 X

（4）電話亭＝依方向按完「←」或「→」後再按 C

（5）五人組＝按節奏按三下 Spacebar

上圖最後嘅五人組，玩家嘅「超必」叫做 Social Distance（社交距離）……雖然有少少膠，但係好應景。

呢個遊戲唔駛下載，只要有電腦就玩得，PC 同 Mac 都對應，各位朋友可以去＜呢個網址＞度即刻試玩！想睇下基本遊玩流程嘅可以參考以下呢條影片：

密ですビートが激アツだったので、ひたすら密ですを連呼するリズムゲームを作りました！！ややリズム天国っぽい！
マジで動画のまま今すぐ遊べますｗｗ

みなさんも密です密です密密密密ｍｍｍｍソーシャルディスタンス（大歓声）してみて下さい！！！#unity1week//t.co/Akwe3d0uk8 pic.twitter.com/PYI8Xcpumw

— Marudice/丸ダイス＠密ですビートゲーム作者 (@dice_maru) May 3, 2020