【讀者投稿】《Minecraft Dungeons》披著格仔的兒童地下城 | 市場主導下的惡性循環

 

大家好,又係我 Snakie 何師傅。

期待左一段時間既《Minecraft Dungeons》終於剛剛廿六號係各大平台上面推出,之前買左一個月Subscription 既Xbox Game Pass又可以大派用場。今次《Minecraft Dungeons》既反應再一次證明左,月費既好處,唔駛成隻Game買斷黎講起碼無咁蝕,無咁嬲,只係失望者。只可以講廠商手法真係層出不窮,落左搭只可以怪自己貪玩鍾意打機者,想知道有幾無奈請觀看下方影片:

 

 

影片以外評論 市場主導下的惡性循環

《Minecraft Dungeons》帶黎既失望引起左師傅對廠商 Mojang Studios點解咁樣設計MCD有好大興趣,就決定爬下文睇下,結果開放大佬既官方答案係指出遊戲係Inspired by 《Diablo》、《Torchlight》 同埋《Left 4 Dead》,如果咁樣擺,咁《Minecraft Dungeons》的確好成功做到個集成左上面大作既特色入遊戲入面,但點解要咁樣設計呢,特別係將最大特色Crafting囉走哩個動作係好唔夾 MC 哩個品牌。

 

《Torchlight》其實都好長歷史同埋係遊戲界都有一定位置,因為當時推出既時侯都有極大既好評,以輕鬆上手既ARPG為賣點。

 

如果有《Minecraft》既數據有一定認識,就會解答到點解《Minecraft Dungeons》既設計方向係如而家成品一樣。

其中第一點既市場定位:《Minecraft》既YouTube片段相信大家都會有睇過,特別係痴線建築類,或者睇twitch既時侯見到各大直播精彩既遊玩,令到有個錯覺產生 – 《Minecraft》市場主打都係大人,好少小朋友會玩,事實上,《Minecraft》既平均遊玩年齡係24,但值得留意既係低年齡群都有一部份個位數字,即係六至九歲,而如師傅片中提及到小朋友玩《Minecraft Dungeons》的確係會好興奮,正如師傅十年前玩《Torchlight 2》都會玩到幾日唔訓覺其實係無盡無止咁喪刷就係為左Roll一件最完美既裝備,簡單既系統對易新手的確係好Additive,今日師傅有POE既成就都係因為《Torchlight 2》既訓練。

 

《Path of Exile》絕對係近年ARPG既代表作,鍾意ARPG既朋友真係要試下,推薦指數為二十隻手指公。

 

第二點,為後作/移植鋪路:《Minecraft》雖然出左一段時間,其實二次掘起都係因為手機版既推出,雖然討厭手游哩樣野但佢既影響力真係太恐佈,滲透力實在誇張,如果依然以手游為大方向,《Minecraft Dungeons》出手機版都不無可能,正正就係《Diablo Immortal》既MC版本,而個人感覺上先撇除討厭手游哩樣野黎討論的話,《Minecraft Dungeons》如果做多少少Fine Tune其實出係手機上係絕對適合,簡單操作,地城打法,仲可以同朋友係街等車都打到,一個圖可能打10到15分鐘,打到出屯門公路都可能刷到三四次,哩個定位真係可以好可怕地無敵。

 

最近新出既《Legends of Runeterra》成功之道都係將手機版同電腦版接近同步推出,策略上係非常成功。

 

所以如果將所有因素歸納一拼討論的話,難怪《Minecraft Dungeons》最後作品會係以哩個形式推出。

無可否認始終市場係主導一切,師傅只係希望哩個惡性循環可以早日慢慢Fade Out,畢竟係手機遊戲未有再一次突破既情況下,操作,控制,介面各樣既限制,只會令到廠商係開發遊戲既時侯,只會顧及圈錢,而再係以做一隻好遊戲為大前題。事實上亦都係市場造就左今日遊戲界既局面:遊戲愈出愈簡單,加插圖加插畫加新角色新寵物,自然有人埋單,反觀致力研發好遊戲系統既廠商們,投放極大資源,回報都不及插畫掛機式手游,我係整Game個個我都燥啦。可惜,市場主導情況下,唯有自己支持返相關誠意遊戲廠商,人地無錢賺,市場只會繼續惡性循環;團結,真係好緊要。

 

《PUBG Mobile》師傅真係唔明點解咁成功,係一個五寸既Mon上面搵一粒塵出黎,盲架。(編按:呢句好好笑 LOL)

 

如果想繼續看到遊戲攻略評價,各式各樣遊戲影片,請訂閱小弟 Snakie 何師傅的 YouTube 頻道!多謝收睇,謝謝你,再見諸位!

 

 

VJGamer 歡迎讀者投稿 – 如蒙投稿,請將文稿、筆名、作者簡介及聯絡電話,電郵至 [email protected]

 

Snakie002

Snakie002 澳洲毒撚,沉迷遊戲三十載。無實力唯有用毅力,推崇「用心打機,享受遊戲」宗旨。我得,你都得!

追蹤

Facebook 更多文章 網站