上年年頭果陣我地出過一篇報導，內容係《傳說對決》台服及港澳服官方 Page 出咗一幅圖，圖中愛麗斯高舉《刀劍神域》入面，主角桐人所使用既「エリュシデータ」及「ダークリパルサー」二把劍，暗示即將同《刀劍神域》合作。可惜嘅係，經過整整一年官方並無任何新消息，當大家都覺得佢係吹水嘅時候，官方正式公佈《刀劍神域》合作活動本月開始！

今次《傳說對決》x《刀劍神域》合作活動，會推出桐人及亞絲娜二位主角（但係我想要愛麗絲）。根據早前留出嘅影片，桐人會係新角色「亞連」嘅特別角色造型，至於亞絲娜就係「刀鋒寶貝」嘅特別角色造型。雖然暫時並無資料二位角色造型以咩方法入手，但根據玩家推測，多數都係以「抽」嘅方式獲得，意味住大家多多課金。

AOV x SAO confirmed! Allian as Kirito and Butterfly as Asuka! It was leaked on Garena AOV Indonesia and the video already been taken down… from r/arenaofvalor

另外，有玩家發現今次特別角色造型同官方設定似乎有所出入。根據官方介紹，新角色「亞連」同「刀鋒寶貝」有過一段情，隨住「亞連」嘅出現，二位會再續前緣。但係遊戲之前曾經推出一個活動，內容係「圖倫」同「刀鋒寶貝」著住情侶裝坐埋一齊睇星星。雖然無講明係官配，但係睇落點都係好尷尬。

不過講到最正嘅，都係各玩家發揮無限想像力，將《刀劍神域》其他角色配返《傳說對決》相應人物。例如：莫托斯 x 希茲克利夫、蘇 x 詩乃等等，不過我覺得最正都係須鄉伸之 x 阿萊斯特。

莫托斯 x 希茲克利夫

蘇 x 詩乃

須鄉伸之 x 阿萊斯特

《傳說對決》 X 《刀劍神域》 合作活動，將於 6 月 23 日開始，詳情請留意官方網站。