今年年尾新世代主機就面世，尾水仲買今個世代主機好似好不智，但係呢部《Cyberpunk 2077》限定版主機可能令你改觀。呢部 Xbox One X 限量版主機，全球限量 45,000 台，最緊要係佢嘅外型係「超 • 級 • 靚」，唔講咁多，睇相！

《Cyberpunk 2077》限定版主機以未來機械風格做主題，而喺各配件上則呈現奇洛李維斯喺遊戲中角色「Johnny Silverhand」身上各種元素。Xbox One X 主機機面配色以黃色撞灰藍色，配以鐳射刻蝕技術掉漆效果，令機身睇落去有舊化嘅感覺，而且每個部份都有不同程度嘅掉漆強度，極有真實感。

反過去機背，配色改以黑灰色+網紋作主調，同機身正面相比又係另一種感覺。機背最顯眼嘅就係紅色嘅鬼面圖案，正正就係最正嘅係「Johnny Silverhand」穿著衣服背面嘅圖案。另外機背上嘅「No Future」字眼同機面嘅綠色線係有夜光效果，成陣 Cyberpunk 味出晒黎。特別一提係主機開機時，係用機械發動音效代替原生開機「棟咚冬」聲，而機面嘅三粒提示燈亦都會跟住亮起。

配件方面，特別版手制同樣以「Johnny Silverhand」角色元素設計。手制採用半銀半黑不對稱設計，呼應返角色左手係機械臂元素。另外手制同主機機面一樣有掉漆效果，以及用刮痕刻上「No Future」字眼（真係刻上去，摸落去有凹凸感）。反轉手制背面，就有鬼面圖案同埋「*2077」字眼同 QR Code。其他配件如 HDMI 線亦都採用湖水綠去 Match 返部機，盡顯心思。

《Cyberpunk 2077》Xbox One 1TB 限定版主機，全球限量 45,000 台，售價: $3,099。內容包括《Cyberpunk 2077》限定版主機及手制、Xbox主機直立座、《Cyberpunk 2077》完整版遊戲內容（於 9 月 17 日開始遊玩），1個月 Xbox Game Pass Ultimate（免費任玩過百款 Xbox 及 PC遊戲）。注意遊戲係唔需要入 Code，遊戲推出後會自動兌換至首個主機綁定帳號。都唔洗入，已經 Built-in咗喺部機入面。遊戲主題呼應。