【遊戲新聞】化身消防員打 FPS 勇戰異型《QUANTUM ERROR》預計 PS4&5 雙平台發行

 

美國遊戲工作室 TeamKill Media 於 2020 年 6 月 14 日公佈新作《QUANTUM ERROR》,為一隻 Cosmic Horror 第一視點 FPS,目前公開對應平台為 PS4 及 PS5,上架日期未定,預計 2020 年夏季稍後會有進一步消息發放。

 

 

《Quantum Error》故事發台為美國加州一間量子研究所,由於遭到不知名敵人攻擊,發生爆炸及大火,而位於三藩市的 Garboa 消防部門接報到場,原意係為咗救火以及拯救生還者,結果卻發現研究所裡面充滿住異樣氛圍,亦有人體形狀嘅異型生物到處徘徊。

 

 

玩家飾演嘅係充滿正義感嘅消防隊長,不過救火並唔係你嘅要務,遊戲中有唔少危機,所以玩家有必要按狀況隨時切換武器及裝備,例如某啲有奇怪氣體嘅房間要戴豬嘴等等。

 

 

按官方早前公佈嘅遊戲開發片段中可見,《Quantum Error》整體感覺目前有少少似《System Shock》+《Dead Space》,雖然詳細遊戲玩法要等待今年稍後嘅進一步公佈。

不過,以消防員為主角嘅 FPS 異型遊戲頗有新意,音效方面亦緊張感十足,值得玩家留意,美中不足係目前「異型」嘅模組做得有啲生硬,希望夏季新資訊發佈時會見到更進一步嘅遊戲畫面。

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章