【遊戲新聞】《FFXV》技術班底重錘出擊《PROJECT ATHIA》故事由《星戰俠盜一號》作家負責

 

Square Enix 於 2020 年 6 月 12 日公佈全新家用機遊戲企劃《PROJECT ATHIA》,由曾製作《FFXV》嘅班底 Luminous Productions 負責開發,正式遊戲名字或會於後期有所變更,但會係一隻以 PS5 以及 PC 作為對應平台嘅次世代 3A 大作,發售日期未定。

《PROJECT ATHIA》比較特別嘅地方係 SE 起用公司及日本人以外嘅劇作家 Gary Whitta,Gary Whitta 為英國人,為一位劇作家,同時亦為 PC Gamer 嘅活躍編輯。佢曾為 2010 年美國電影《末世天書(The Book of Eli)》以及《星球大戰外傳:俠盜一號(Rogue One: A Star Wars Story)》擔任劇本創作,亦曾協助創作《The Walking Dead: The Game》遊戲系列嘅故事劇本。

 

 

至於 Square Enix 就表示,是次嘅《PROJECT ATHIA》將以盡量最大發揮 PS5 嘅機能作為重,去製作動作流麗以及充滿光感視覺嘅次世代遊戲;佢地又表示今次嘅遊戲,希望能夠令玩家可以全心全靈地去感受一個美麗而絕望嘅世界。

 

 

根據首條遊戲公佈嘅影片,可知道是次主角為一位女性,而場景既有末世風格,亦有中世紀題材常用嘅「龍」嘅題材;而主角操控嘅係類似魔法嘅技能,同時可以進行攻擊、瞬間移動等等非凡動作。最引人入勝嘅相信係場景方面嘅設計,到底工作室可以活用 PS5 嘅性能到邊個地步,就有待下一次嘅資訊公佈。

遊戲首條宣傳影片:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章