《古惑狼》呢隻經典動作遊戲，自 2017 年出過重製版《Crash Bandicoot N. Sane Trilogy》之後，最大嘅消息就只係將呢隻重製版喺 2018 年移植到 Switch 平台上面。之後大家就開始猜測《古惑狼》嘅新作會唔會同樣落到 Switch手上，可惜今日收到呢個消息暫時要令 Switch 玩家失望。

事關台灣數位娛樂軟體分級查詢網透左，嚟緊一集嘅《古惑狼》定名為《Crash Bandicoot 4: It’s About Time》，並且暫時只見到得 PS4 同 XBox One 兩個版本。不過正式發售日期就暫時未知，再有進一步消息，我地再同大家報導。