【遊戲新聞】官方話手機版係正統續作《NieR Re[in]carnation》全新影片告示更多世界觀設定

 

Square Enix 宣佈將於 2020 年 7 月 23 日開始進行手機遊戲《NieR Re[in]carnation》嘅封測,招募由即日開始,預計錄取人數為 二萬人;不過是次封測只接受日本當地 VPN 人士,香港嘅朋友或者只能夠等正式版了。

 

 

《NieR Re[in]carnation》為 Square Enix 負責計劃及營運、並由 Apribot 負責開發嘅作品,官方表示呢隻遊戲並唔係外傳作品,而係《NieR》系列嘅正式續作黎。主角為一小女孩,為咗「贖罪」以及尋找「失落的物事」而陷於牢籠當中,而牢籠入面有一位稱為「Mama」嘅領路人。

 

 

官方同時公開全新宣傳片,展示連同主角在內幾位角色嘅人設,遊戲 UI 以及戰鬥畫面。影片並出現關鍵字一樣的話語:「你已失去了很多東西,現在是時候找回來了」。相比第一條宣傳片,今次嘅片段可以見到較多有關遊戲嘅實際訊息。

《NieR Re[in]carnation》實際上架日期有待公佈,將同時對應 Android 及 iOS。

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章