【遊戲新聞】日系機甲策略遊戲 《Dual Gear》極有 Front Mission 味

著名機甲策略遊戲《Front Mission》遲遲唔出正統續作,對喜愛呢類遊戲嘅玩家真係悲歌黎,幸好仲有好多有心人去試做。由獨立團隊 Orbital Speed Studio 製作嘅《Dual Gear》,就極有舊世代《Front Mission》,搞咗幾年終於整完,預計今個月尾有得玩。

 

 

《Dual Gear》係一款日系機甲回合制策略遊戲,以第三人視點顯示。遊戲混合手動操作及指令戰鬥二部份。移動時需手動操作,戰鬥時則選擇武器再決定攻擊對象。如果有玩過《Front Mission》系列的話,就即係戰鬥果陣就似舊版《Front Mission》,移動時就似最新果隻《Front Mission Evolved》。

 

 

遊戲同《Front Mission》一樣,駕駛員有自己等級,機甲、零件同武器亦都可以完全自訂,當然敵機亦都係有相同設定。戰鬥中同樣可以針對敵機部位攻擊,例如敵人用劍的話,集中廢咗佢用劍隻手後就可以放置 Play。另外完成任務後可以得到零件及武器,用以強化機甲。

 

機甲設計的確唔錯,幾型

可以完全自定,唔知有無《Front Mission》蜘蛛腳果類 Parts 呢

 

《Dual Gear》預計於 7 月 29 日上市,對應平台為 PC Steam,內建日文語音。現時 Steam 商店頁面提供 Demo 版下載,可以 Download 試下先。(個人覺得現時解說不清晰,亦有少量 Bug,希望推出時會有所改善)

五木

五木 動漫電玩宅,極愛金田一系列,擅長動作及策略遊戲

追蹤

更多文章