【遊戲新聞】《幻水》精神續作《百英雄傳》集資開始・計劃開始三小時已募集到基本開發資金

尋日同大家介紹過《幻想水滸傳》(報導連結按此)團隊即將開發遊戲精神續作《百英雄傳》,佢地嘅 KickStarter 計劃亦率先於歐美地區開始(亞洲地區在本文刊出時亦已經開始),在短短三小時內已籌得唔少資金,反應之熱鬧令到開發團隊非常振奮。

今次《百英雄傳》並唔關 KONAMI 事,而係《幻水》舊團隊以 「Rabbit & Bear Studios株式会社」之名自立門戶後嘅首隻作品。KickStarter 集資計劃預計最低資金門檻為 50 萬美金以開發 PC 版)、100 萬美金就可以開發 Console 版;而截止我撰寫本文之時(2020.07.28 11:50 AM),佢地已集得 135 萬美金資金,起碼可以確保遊戲可以順利完成開發,相信對於《幻水》Fans 嘅大家都會係好消息。

 

 

不過,佢地嘅 KickStarter Plan 仲係有好多唔同種類,課金 Plan 亦好隨心,課金 4,000 日元以上就可以獲得數位版《百英雄傳》一隻!有興趣嘅朋友可以去佢地KickStarter望下,課金有心唔怕遲,好似係!(佢地 KS 專頁拉到最底,仲有五十嵐孝司嘅應援 Message!)

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章