【讀者投稿】手遊毀掉的經典《亞克傳承 Arc The Lad》

大家都未必留意,以前PS年代(已經變成元老院老人家回憶)少有好玩同主機開荒之作《Arc the lad》,最新續作其實喺手遊出咗,叫《亞克傳承 R》。日版其實出咗一排,只係中文版出咗無耐,想同大家講下。

 

 

故事係《Arc the lad 2》嘅延續,《Arc the lad 2》係整個系列嶺峰之作,當年有埋動畫。有玩開嘅會知男女主角艾古同庫魯魯犧牲自己引發「大崩壞」,隻手遊就係延續10年之後嘅世界,英雄們各散東西,各自背負瘡疤繼續守護世界,但人性權力、國際關係文明與欲望衝突永不止息,當中有帝國又挑起戰爭,有「巨大的陰謀」;而艾古其實未死,不過俾人心靈入侵成為黑騎士,成為帝國爪牙,另邊廂英雄們為守護世界,卻以艾古之名成立騎士組織,不過因為該帝國野心又被打壓,轉為地下。至於今集主角其實都係研究強化人之家出來的(同炎使艾魯古一樣),後來成為咗某國嘅自警團員之一,於周遊列國出差過程中,重遇各路英雄,對話傳神不輸以前家用機。

 

 

以上內容,睇唔明唔緊要,總之想同大家講,以長情fans睇《亞克傳承 R》,其實真係搵返以前果種感覺。「獵人公會」、「委託任務」、「鬥技場」、「遺跡」呢啲例牌菜唔會無,而且無論戰棋同遊玩感都有昇華,唯一不滿嘅係無得自己 9 行,不過玩家習慣經已改變,可能大家都太忙吧,好多遊戲都無咗 9 行設定。

 

 

好多經典,一係就原有班或散晒band,一係就製作人唔玩了,但《Arc the lad》係同樣由土田俊郎全權製作,所以遊戲同舊作聯繫嘅「質感」,係fans永遠無法忘懷。你只要讀讀製作人觀點,你就會知道隻遊戲有幾咁不合時宜﹗不合時宜係仲會照顧到我呢啲老人家感受⋯

 

 

土田俊郎:RPG 成長元素很強的遊戲,為了給玩家傳達角色的魅力,代入感是非常重要的。但是短時間的遊玩機制和頻繁追加的遊戲元素,使得營造代入感變得十分困難,這也是和主機遊戲不同的地方。《亞克傳承 R》進一步發展了主機時代(《亞克傳承 1、2》)中精心製作的角色設定、世界觀和表現,為了增強「代入感」,我們將遊戲的基礎作為遊戲主軸的劇情,細分為了一個個的小任務。我們在讓玩家們「在短時間內感受到遊戲代入感」的部份,下了很多功夫。同時,在此基礎上,我們還準備了許多新角色,在遊戲的各個故事線中交互影響,會隨著遊戲版本內容更新,而持續追加。本作是凝結了從《亞克傳承 1、2》在 PS 平台上發行過去的 20 年時間,精心製作的遊戲。沒有玩過《亞克傳承 1、2》的玩家,也能好好享受這部作品,在我們花費大量時間所構建的內涵豐富的世界中盡情遊玩。我們希望能有更多的玩家能夠體會這份樂趣,請務必遊玩本作。

 

 

日版我玩咗一排,中文版也立即玩了,當然主要係睇劇情,所以上 discord 群組或巴哈群見到人話「油王已經醒覺晒啲人啦」我都無理到。之不過,最重要我想講嘅係,《亞克傳承 R》成也手遊,敗也手遊,如果你用手遊方式推出,無可避免有兩個問題:

 

1. 同夢戰比較
唔係個個好似我老人家咁,為咗回憶玩遊戲(為EVA而玩《重裝戰姬》了),咁如果只係獵奇一族,見有新 Game 就 down下過下首抽癮嘅一代,見你個戰棋系統表面上無夢戰咁好玩,玩幾下自然就會刪game,仲可能會覺得「點解啲公仔風格咁Q」,唔知原來係有舊作。但如果正式做一隻家用機出就唔同晒,大家會自動用經典心態去包容。

 

 

 

2. 代理糞game
亦係我成篇文想講嘅重點。家用機出,中間係唔使理呢個問題,就算DLC都係你製作人公司直接搞,但如果好似《亞克傳承 R》中文版咁,開新event無通知,成個星期都唔開主線新劇情(到第三章停了,艾古未登場),但課金抽蛋就話要追日版進度,一個接一個 pool,玩家一個接一個棄 game,變咗只玩「鬥技場」,無聊睇放閃班油王有幾油,油得多都唔玩啦,咁唔使專登玩呢隻,其實根本得 PVE 嘅遊戲。主線慢到咁,連刷刷刷都唔知為乜。

 

 

其實真係真係好難得,《Arc the lad》會出返,同有返同PS初戀嘅感覺。咩係PS初戀感覺?肯定唔係「Plash Speed」。如果新《Arc the lad》出PS4版而我玩緊,老婆,今晚唔使煮我飯,你食自己啦。

 

性暗示星矢

性暗示星矢 討厭傲嬌雅典娜,寧願同夏依娜結婚;《無雙大蛇》兩代全角色滿級但《仁王2》最後都未白金嘅男人。近年沉迷足小手遊,以足小研究所之名天天發放負能量,慰藉重課都抽唔到嘅心靈。

追蹤

更多文章