【遊戲介紹】另類第一身解謎遊戲《Kill It With Fire》古惑蜘蛛 毀你家園

獨立遊戲製作公司 Casey Donnellan Games LLC 製作嘅《Kill It With Fire》,可以話係一隻非常另類遊戲,表面睇佢好似啲發洩情緒用嘅破壞性遊戲,實質佢係隻第一身射擊解謎遊戲。

 

 

成個遊戲就係將玩家嘅家居有蜘蛛出現,描述到外星人侵略地球咁。而玩家就要喺過程中,用唔同嘅武器去消滅呢啲匿埋喺任何角落嘅「入侵者」,解開唔同嘅條件之後再進入下一個場景,繼而完成整個關卡。

 

 

場景多有排玩就大家都見得到,官方就講到夾夾埋埋有幾十種武器、道具,比玩家用盡任何騎尼方法去對付蜘蛛。啱晒啲屈左喺屋企,Home Office 左好耐嘅大家去發洩一下!

 

 

試玩版《Kill It With Fire: HEATWAVE》就一早喺 7 月上左架,而且都唔係得個教學比你試,非常耐玩。而完整版亦會喺今晚( 8 月 14 日凌晨)有得玩,而且短期內仲有多個九折,所以大家可以玩完個試玩版,啱玩之後再入手都唔遲。

 


阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章