【旅日朝聖資訊】關西萬博會新 Logo 出爐・設計獨特似足遊戲異型怪物?

 

2025 年國際博覽會(大阪關西萬博)官方 Logo 正式出爐,不過網友對於呢個 Logo 似乎就有多樣意見,因為佢嘅設計頗為微妙。

但係網友就指設計似足遊戲入面會遇到嘅怪物敵人,甚至出現左「2025 年大阪萬博攻略」嘅話題,但係攻略就真講緊遊戲攻略,例如係「似係用錯方法打就會不斷分裂嘅怪物」「啲眼一定係弱點,要用箭射」等等。

而 Logo 嘅造型亦都令網民聯想起唔同嘅 ACG 作品,例如係《妖怪手錶》裡面嘅枝魔目さま

 

又或者係編輯部早前介紹過嘅 2D 動作遊戲《CARRION》(相關報導):

 

 

然後,一旦網民玩開了,就停不下來了,例如深受 #啟蒙界別玩家 歡迎……

 

 

除此之外,亦有唔少聲音話個 Logo 令佢地諗起《沙耶之唄》(相關報導)、《R-Type》(相關報導)等作品。

<正經資訊>其實 Logo 係由出身大阪嘅設計師 Shimada(シマダタモツ)率領團隊 TEAM INARI 設計,佢地以「細胞」為主題,希望展現出「生命的光輝」,以及想向 1970 年嘅大阪萬博地標「太陽之塔」致敬;而 Logo 上面嘅五隻眼睛,正正係喻意緊 1970 年萬博 Logo 上面嘅五瓣櫻花。

 

 

睇到呢度嘅你,又會點評價呢個 Logo 呢?

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章